wie liächt (geschrieben von acht, im April 2005) 01. Es sind meh als Wort, wo ich dir säge wett, meh als Zärtlichkeit, wo ich dir entgäge heb, meh als Sunneschii, wänn's rägne wett, Du bisch wie Liächt für mich, nach dem mis Läbe strebt. Du bisch wie Luft i mire Lunge, wie Nektar für Biene, ha din Duft uf mire Zunge. Du gisch mer das woni bruche, will dini Nöchi gsprühre, 8 Tag ide Wuche. Doch es isch meh als das, wo eus verbindet, Wort chönd nöd das beschriibe, wo ich für dich empfinde. Drum erspar mer s'Redä, nüt chan eus tränne, wänn ich dich i mine Arme hebä. Fühl mich sicher bi dir, wänn mir zäme sind, Du, wo so vil Liächt i mis Läbe bringsch. Mini guete, wie mini schlächte Siite verstahsch, Du weisch genau, ich lieb dich für das! 2x Refrain. Du bisch wie Liächt uf mim Wäg, wänn mer d'Sicht fählt, chunsch i mis Läbe, häsch d'Hauptrolle i mire Gschicht g'wählt. Du gisch mer Wärmi, und defür lieb ich dich, mit dir isch kein Wäg z'wiit für mich. 02. Ich weiss, di nächschte 4 Mönet werded schwirig si, ich chan nur warte, bis die Ziit verstriicht, Wulche ziehnd verbi, doch ich bliib bi dir, dänn ich liebe dich, Du bisch wie Liächt für mich. Schriib das Lied für dich, dänn ich vermiss di, stell mer jedi Nacht vor, du chöntsch bi mir si chönt dis Gsicht, din wunderschöne Körper berüehre Gedanke, für die mir Wörter nöd gnüeged. Ich weiss, dass es mit mir nöd immer easy isch, drum schätz ich's umso meh, dass Du a mire Siite bliibsch. Dich zrugg z'lah isch de schwerscht Schritt, doch de Wert bliibt, ich nimm dich i mim Herz mit. Wird bi dir si, jedi Sekunde, über 1000 km mit dir verbunde. Glaub a Wunder, nie wird de Glanz verschwinde, eusi Liebi wird die Ziit und Distanz überwinde. 2x Refrain. Du bisch wie Liächt uf mim Wäg, wänn mer d'Sicht fählt, chunsch i mis Läbe, häsch d'Hauptrolle i mire Gschicht g'wählt. Du gisch mer Wärmi, und defür lieb ich dich, mit dir isch kein Wäg z'wiit für mich.