ich will (geschrieben von enzym & acht, im August 2004) 01. Fangemer a mit Punkt 1 uf de Traktandelischte, ich will stets, stündlich ghöre Money klingle, will heisse au e Schuelshtund muess mer Gäld id Kasse bringe, söll mer niemert säge, das tuet mer nur bim Schaffe kriege! Was redsch vo de Arbeit, es isch doch grad erst 8i gsi.. Ja ebe, sötsch du nöd scho lang am schaffe si? Ich will jetzt eifach penne, hüt bringt mi nüt zu de Fädere us. Will de ganz Tag nume umehänge, wiene Flädermuus. Mer gönnt sich suscht ja nüt, so was muess scho dine si. Und was isch mit de Arbeit? Bisch scho gnadelos hinedri! Ja ok.. das machi morn! Nur nüt überstürze, ich will eh, dass es s'Arbeitspensum wieder chürzed, will defür meh Lohn. Obwohl dini Arbeit schlächter wird? Hey, was söll de Scheiss!? Ich ha mer de das ächt verdient! Ich will ja nüt als Gerächtigkeit, und ich han scho gnueg liide dörfe. Ah, drum gliicht dis Läbe jetzt dem vom ne 7-Schlöfer? Es bizli lahm isch ganz normal, aber lueg ich dich a kriegi graui Haar, drum gib dir mal en Tritt in Arsch,wer weiss,vilicht hilft dir das. Was figgsch mi a!? Ich schaff so vil, merk gar nöme wie d'Ziit vergaht. Ich find ja nöd, segsch fuul. Ah nöd? Nei, aber i die Richtig gahts! Häsh dänn du scho richtig g'schafft? Ich will di Antwort schriftlich ha! Hey lueg, ich han dis Gschichtli satt, schaff jede Tag bis nach Mitternacht! Häsch du bedacht, was ich im verglich zu dir scho alles gschaffed han? Da chani ja nur lache, mann! du läbsch wie im schlaraffeland! Refrain. Ich will und du willsch und er will und mir wänd mir sind so konsumgeil, ich will dass ihr mir alles gänd meh Freiziit, weniger Stunde, meh Lohn, weinger Leistig Ich will alles, und no meh, als ghörti die wält mir! 02. Ich will ja eigentlich nöd vil, bin bescheide, aber s'blöde dra, ich will immer das am meiste, woni nöd cha ha. Das woni han, das wetti nöd, wie de chliini Maa im Schnäggeloch, richt mini Luune nach de Sunne, wie de Wätterfrosch. Drum will ich strahlend blaue Himmel, de ganz Summer lang, will ich de ganz Winter dur, nüt als Chummer han, isch ja keis Wunder, Mann! idem Land vergaht fascht kein Tag, wo's nöd würd rägne, als hetted mir z'wenig Wasser da, d'Sunne isch meistens so mager, als wär sie am faschte grad. Ich will e Klimaerwärmig, und zwar um 18 Grad! Aber dä Tribhuuseffekt macht mer Angscht und oisi Ozonschicht plazt denn bald! Jaja.. ich will id Ferie flüge, am beste mit Freiticket, will näbe sexy Ladies in Bikinis am Meer ligge. Suscht no was? Ah ja, das hani ganz vergässe, ich will e Frau wo für mich chocht, und mir en Ranze afrässe. Ja klar! Und ich will dihei blibe und dini Schue butze, d'Ferie für e Früehligs-Ufruumsession guet nutze, dini Bude vom Chäller bis in Estrich ufe schrubbe.. nei! Halt, halt, isch en scherz gsi.. Ich will im Bikini an Beach vo Rimini,det gits Type, die mir Drinks spendiered, mit Sixpack verziert, mir Sunnemilch ischmiered, wie willigi Sieche.. Jaja, hör uf träume! Hä,was isch passiert..? Refrain. Ich will und du willsh und er will und mir wänd mir sind so konsumgeil, ich will dass ihr mir alles gänd ferie, partys, chleider, fraue, gratis drinks und sunneschii Ich will alles, und no meh, als ghörti die wält nume mir 03. Ich will e Muulchorbpflicht für all miese Rapper, ich will dass waki Text sofort zensiert werded, nöd dass mer mini Ohre no überstrapaziert sterbed, und die üble Rhyme-Technike uf mich abfärbed. Ich will es Ufklärigsbüechli für all Wannabe-Gangsters, demit au de Hinterletscht wänn er's zueschlat öppis glernt hät. Und ich will, dass die fom BAG Helmpflicht uferleged, für d'Rapper wo bim Zämestoss mit wahrem Rap uf de Grind gheied. Und usserdem will ich, dass... Wart mal schnäll.. Lueg, ich ha zerscht dänkt, ich lah di mache, mir händ ja ziitlich kein Druck doch irgendwänn isch gnueg, jetzt wetti s'Mic zrugg! i dinere masslose Dreistheit schniidsch mer eifach s'Wort ab! chasch mer churz erchläre, was da exakt vorgaht? Also lueg, dini Rhymes sind ja ok, munter und spassig, doch din verdammte Part isch länger als d'Bundesverfassig! Wie lang d'Bundesvefassig wär, isch mir glich, aber die nächste 16 Zeile, beaspruch ich für mich! Ja ja, das hetsch wohl gern, würdsch am liebschte rappe, ohni Stopp und ich gseh alt us und stah denäbed, wie en Vollidiot! Lueg ich känn das, du chunsch nöme abe vo dire Flow Wälle, aber das isch min Track, versuech mer da nöd d'Show z'stähle! Drum will ich verdammt nomal, dass mer jetzt das scheiss Mikro gisch, i dem Punkt bini empfindlich, wiene Klitoris. Ich will jetzt all Beats vo dere Wält, will über all rappe! Will die Stadt bsetze, vom Züriberg bis Altstette. Will, dass all Deppe checked, da häts suscht für käne Platz, Ich will all battle, mit nur 8 Wörter us mim Näbesatz! Ihr känned das, bin parat für jedi Schandtat, Will mal en Böse si, es richtigs Arschloch, de ganz Tag, und wie verantwortisch das? Defür staht min Schwanz grad. Chicks ziehnd eu warm a, ihr händ alle Grund zum Angscht ha, mach luuter Sauereie, und prahl demit als Glanztat! Und eusem Gwüsse gahts guet? ääh, was..? isch das e Fangfrag? Nei, aber mach en Punkt, es langt mal!