dankä (geschrieben von bschiisär & acht, im Oktober 2004) 01. (bschiisär) Stell mer so vill vor wiä's wär, wänn ich alleige müesst dur's Läbe gah, ich läbe no und weiss genau, mini Lüüt werded denäbed schtah. Ich vertrou druff, dänn sie füehred mich zrugg uf de richtig Wäg, chan meh erntä als nur Pflichterträg, wänni mis Glück dur all die Schichte träg. Han mini Lady und mini Sippä wo hinter miim Ruggä schtaht, wo Bruggä schlaht für mich, dänn nur gmeinsam isch e Gruppä schtarch. Mir brüchted gar kei Wort, dänn Ihr wüssed, was ich säge wett, ihr dänked glich wie ich, ihr sind s’Dach für mich, wänns rägne sett. (acht) Und ich dank all dene, wo a mire Siite bliibed bis z'letscht, wett eu danke, für die friedliche Ziite bis jetzt. Dank mine Niider, wäg ihne schriibi wiiterhin Text, bis ich mer d'Finger bim Schribe vo dene Ziile verletz. Händ eu es bizli verschätzt, mir sind eus anderi Ziite gwöhnt. Das isch für die, wo mit eus du de chalti Winter gönd, wo dehinter stönd, au ohni Plattevertrag, nimm am letschte Tag nüt als min Schatte is Grab. (bschiisär) Danke Lejla für die Liäbi, wo mich im Läbe ständig wiiter treit, dänn wiit und breit nur Liäbi, wo nöd emal im Striit verseit. Ich dank der, dänn egal was chunnt, du bisch immer da für mich, ich liebä dich und bin egal was chunnt, au immer da für dich. Dankä Jungs für d'Nächt im Rüümli - es Bier, es Mic und Wortgfächt, s’wird Sport grächt, wänn mir am battle sind gib ich mim Wort rächt. Danke Acht für dini fettä Parts und mässi für das züüg wo, mir sälber hilft, säg allne Piis - ebäfalls gönd Props a 3pol. 2x Refrain. Mir gsehnd d'Ziit verstriche, während dem mir Ziile schribed, danked all dene, wo eus täglich wiitertribed, De Acht und de Bschiisär bliibed treu für’s ganze Läbe, das isch für oisi Lüüt, mir wänd eu danke säge. 02. (acht) Das gaht a all die, wo de Meinig sind, dass de Swiss Rap, meh chan büüte als nur Battles und Disstracks, meh all Beef-Stuss und Sexismus, ich schiiss uf Lokalpatriotismus. Rap muess a die frisch Luft, drum dank ich dene, wo offe bliibed, ihre Stoff vertriibed, und nöd ar Hoffnig zwiifled, will’s gmerkt händ, s’isch es härts Gländ, und trotzdem meh gänd, wills de Scheiss im Herz händ! (bschiisär) Danke wett ich villne säge dänn en huufe Lüüt händ Props verdient, doch alnä d’Hand go schüttlä - ich gibes uf und drops als Lied. Niemert stoppt dä Siäch, dänn mini Lüüt die händ mich schtarch gmacht. Mir händ gmeinsam Sägel gsetzt und druff abä gmeinsam Fahrt gmacht. Für all die wo nöd meined, sondern wüssed, dass no gmeint sind. Für all wo mit mir dunnä sind und für die wonich die Reim bring. Für all wo mit mir vereint sind - die Fründschaft hebt es Läbe lang, danke dass ich nur dank eu niemeh allei durs Läbe gahn! (acht) Das gaht a mini Crew, für die letschte 4 Jahr, dänn ohni Keyser und Lou, wäri hüt nie da. Dank am Bschiisär für sini Zuesag, Ziit zum Zueschlah, mit dem Track, mir sind jetzt lang gnueg da. Hoff s’wird guet ga, füehrt mi det ane, woni welä han, wänni über d’Schwelle gang, han mini Lüüt, uf die ich zähle chan. Chönd sicher si, dassi eu treu blibe, säge danke mit dem Lied, woni nur für eu schribe. 2x Refrain. Mir gsehnd d'Ziit verstriche, während dem mir Ziile schribed, danked all dene, wo eus täglich wiitertribed, De Acht und de Bschiisär bliibed treu für’s ganze Läbe, das isch für oisi Lüüt, mir wänd eu danke säge.